Hætta á ferðum vegna stefnu Rússa

Alvarleg alþjóðleg deila hefur risið upp á milli Rússa og Breta sem því miður er hluti af stigvaxandi spennu í alþjóðamálum. Eftir langvarandi þýðu í samskiptum þjóða þá er alltaf hætta á því að menn sofni á verðinum. Réttur Breta í þessari deilu er ótvíræður að mínu mati og aðgerðir þeirra réttlætanlegar. Það er eins og áður hefur komið fram hjá mér í bloggfærslu að Rússland er orðið ógn við heimsfriðinn. Ógnarstjórnin hefst fyrst innanlands þar sem við höfum mátt horfa upp á að alvarlegar takmarkanir á tjáningafrelsi og stjórnmálaflokkar sem eru andvígur núverandi stjórnvöldum er á borði bannaðir. Í þessu ljósi er síðasta aðgerð Pútíns að hunsa samninginn um takmarkanir á hefðbundnum herafla í Evrópu skiljanleg sem aðgerð í að byggja upp herveldi sem á að tryggja stöðu Rússlands í Evrópu. NATO og Evrópuríki verða að svara þessari stórveldastefnu Rússa með ákveðnum hætti og tryggja bandalag sitt við Bandaríkin.  Sú staðreynd að Bandaríkin hafa veikst vegna misheppnaðara aðgerða í Írak situr hér strik í reikninginn sem Rússar og Kínverjar hafa og munu nýta sér til fulls. Það er einnig ástæða til að vara íslensk stjórnvöld við í því að verða Rússum háðir í einu eða neinu því auðvitað sjá Rússar hag í því að njóta góðs af áhrifum Íslendinga á komandi árum. Sama má segja um Kínverja.  

Rússar reka fjóra breska ríkiserindreka úr landi