Útsendarar, útrýmingar og helvítsholur

Rökræðan um þriðja orkupakkann hitnar enn og hótanir ganga á víxl. Andstæðingar spila á milli sín staðreyndum málsins eins og fljúgandi borðtennisbolta. Annar hópurinn sér himnaríki, þegar hinn sér helvíti. Og eftir því sem málið virðist vera að skýrast með dýpri umræðu og upplýsingum, mætir menn og konur kallaðir til að vitna að varpa ljósi á málið, þá verður orðræðan ljótari. 

Þannig eru virtir erlendir sérfræðingar kallaðir útsendarar frá útlöndum, andstæðingum hótað útrýmingu og að Íslandi verði tortímd af vondum útlendingum. Annars staðar er skrifað um að gera Ísland að helvítisholu og að forystu Sjálfstæðisflokksins sé að gera okkur að holu með því að samþykkja þriðja orkupakkann. Svo eru ráðherrar og þingmenn kallaðir vesalingar og vanvitar, ef menn eru ósammála þeirra pólitísku skoðunum. Erum við ekki komin á mjög hættulegar brautir í lýðræðislegri umræðu? 

  

 

Skaðabótaskylda eintóm fantasía

Athugasemdir

[Þorsteinn Briem, 11.5.2019 kl. 01:40]

Jamm, mikið rýkur nú moldin í logninu, hefði hún amma mín á Baldursgötunni sagt.

Skyldleikaræktin er greinilega alltof mikil hér á Klakanum og fá þarf útlendinga til undaneldis.

Rétt eins og bændur fá hrúta frá öðrum bæjum til að fara upp á rollurnar.

Þetta sést vel á til að mynda Ómari Ragnarssyni.

[Gunnar Rögnvaldsson, 11.5.2019 kl. 02:51]

Sæll Jón Baldur.

Ef þú lest textann sem ég vísaði til, og sem þú ranglega ferð með, þá er hann svona:

SVONA MYNDAST HELVÍTISHOLUR

Ef þú rífur allt af þjóðum og ætlar að stóla eingöngu á markaðsreglur sem allsherjar guðspjall, þá hætta þjóðir að vera þjóðir og markaðir að vera markaðir. Og alveg sérstaklega: þá hætta þeir að vera frjálsir makaðir

Takið eftir að í ávarpi Roosevelts forseta til þingsins 1942 (e. State of the Union Address) talar hann um að vera frjáls frá einhverju. Frjáls frá innlimun, frjáls frá ótta. Hann er þarna alls ekki að fara í það að frelsa heiminn til þess að fólk öðlist frelsi til að eyðileggja hann, þjóðir, lönd og heimsálfur (þvaður-frelsi). Nei. Hann ætlar að beita sér fyrir því að við verðum frjáls frá því að þurfa að þola slíkt (freedom from want, and freedom from fear everywhere in the world)

Ef þú eyðileggur þjóðir og þjóðríki það mikið að þjóðin og landið hættir að snúast um það að við björgum til dæmis Vestmannaeyingum frá hamförum sökum þess að þjóðarsamheldnin hefur verið eyðilögð, með því að markaðsreglur séu einu gildin og guðspjöllin sem viðhöfð eru um allt í þjóðinni, þá dettur þjóðin í sundur, splundrast og hættir að vera samstæð og samheldin (e. cohesive)

Þá gerist það, að það er ekki hægt að halda landinu saman nema með ofbeldi (e. force). Og um leið hætta frjálsir markaðir að vera til og þeir breytast í helvítisholur í helvítisholum

Og það er þetta ástand sem þegar er hafið í ESB-Evrópu. Eina leiðin til að halda Evrópusambandinu saman er að beita löndin sem eru í því sífellt þyngra og svæsnara ofbeldi. Þar eru svo kallaðir "frjálsir markaðir" því að liðast í sundur. Og allir sem hugsa bara smá, vita ósköp vel hvað gerist næst. Sambandið er að breytast í Helvítisholu (stór stafur, því Helvíti er staðarheiti)

Roosevelt fór því í krossferð gegn heiðni. Til dæmis gegn þeirri ESB-heiðni sem við sjáum í dag:

"They know that victory for us means victory for religion. And they could not tolerate that. The world is too small to provide adequate "living room" for both Hitler and God. In proof of that, the Nazis have now announced their plan for enforcing their new German, pagan religion all over the world--a plan by which the Holy Bible and the Cross of Mercy would be displaced by Mein Kampf and the swastika and the naked sword"

Mein Kampf Evrópusambandsins er til dæmis orkupakki3 og allir orkupakkar þess líka, ásamt næstum öllum öðrum pökkum þess, sem þjóðir ESB-landa reyndu að hafna, en fengu bara í hausinn aftur, til að kjósa um, þar til rétt niðurstaða fengist

Enginn getur neitað því að samheldni íslensku þjóðarinnar hefur minnkað frá og með innleiðingu EES-samningsins hér í okkar landi. Hún hefur ekki aukist, heldur minnkað. Verndari valda of margra hér á landi er Brussel. Evrópusambandið er að sundra íslensku þjóðinni

Þingmenn standa ekki með þjóðinni lengur og eru sífellt minna fulltrúar kjósenda, eins og sést svo vel í orkupakkamálinu núna og þar á undan í Icesavemálinu. Enginn kaus þingmenn Sjálfstæðisflokksins til þessara eyðileggingastarfa. Tortímandi þeytivinduaflið frá formanni flokksins sem snýst eins og skopparakringla, og sem hætti að þora að draga þjóðarandann af ótta við skuggamyndina af sjálfum sér, er að rífa flokkinn okkar í tætlur. Eins og þjóðir rifna í tætlur og verða að helvítisholum

- Gunnar er Þjóðaríhaldsmaður í Sjálfstæðisflokknum 

Hér má lesa um holu í smíðum: ESB/ACER knésetur Þýskaland og Rússland með orkupakka3

Betra er að hafa það sem réttara er.

Kveðjur

[Gunnar Rögnvaldsson, 11.5.2019 kl. 12:30]

Og nú er komið í ljós að ÚTSENDARI á vegum Sjálfstæðisflokksins var sóttur til landsins til þess að hóta Íslendingum. Gunnar Bragi Sveinsson Íslendingur skrifar eftirfarandi um það mál í Morgunblaðinu í dag:

"Í frétt­um Rík­is­út­varps­ins sl. fimmtu­dags­kvöld var rætt við Carl Bau­den­bacer fyrr­ver­andi for­seta EFTA dóm­stóls­ins sem nú starfar sem sjálf­stæður ráðgjafi. Ut­an­rík­is­ráðuneytið hafði greitt Carl fyr­ir að skrifa álit vegna sk. Þriðja orkupakka. Greini­legt er að ráðuneyt­inu hef­ur þótt feng­ur í því að greiða fyr­ir flug, hót­el og bíl fyr­ir Carl sem mætt­ur er til lands­ins."

Ég, Gunnar R, er ekki í Sjálfstæðisflokknum vegna þess að mér finnist hann svo æðilegur. Ég er í honum vegna þess að mér fannst hann það skásta sem ég gat gengið í. Einungis það skásta.

En nú er hins vegar kominn nýr valkostur fyrir Ísland: Miðflokkurinn. 

Sannarlega mun ég endurhugsa minn gang og minn hag í ljósi hins nýja valkostar.

Mér er satt að segja að verða nóg boðið í einkaboði hug og getulausrar Valhallar, þar sem fyrrverandi formaður Sambands ungra sjálfstæðismanna pissar á arfleið okkar. Verði þeim að góðu með sinn alþjóðapostulínskopp uppi á altari. 

[Jón Valur Jensson, 11.5.2019 kl. 13:55]

Hvað dró Baudenbacher til Íslands til að vitna með þriðja orkupakkanum?Hann hefur látið af störfum sem dómari, og naumast er þetta hugsjón hans!

Fram kom í máli hans, að í 20 ár hefur hann verið í nánu samstarfi við Norðmenn. 

Svo er honum boðið hingað til að vitna, í boði utanríkisráðuneytis okkar!

Vitað er, að svona karlar leggja ekki í vinnu við að gefa svona álit án þess að fá borgað fyrir það.

Ég tel líklegt, að bæði Evrópusambandið og ríkisstjórn Noregs hafi boðið honum greiðslu fyrir þetta, sem og Guðlaugur landlausi ÞG.

"Mútur?" Svona karlar kalla ekki hlutdrægt álit, unnið fyrir annan aðila mál, mútuþægð, heldur vinnuþókknun.

Ljótt er að sjá blóðpeninga íslenzkra skattborgara fara í þetta.

Og skammast máttu þín, Jón Baldur, fyrir flokksþægnina.

Íslandi allt. 

[Jón Valur Jensson, 11.5.2019 kl. 13:56]

... unnið fyrir annan aðila máls ...

[Jón Valur Jensson, 11.5.2019 kl. 14:15]

Þar sem yfir 90% meðal aðspurðra sjálfstæðismanna voru andvíg þriðja orkupakkanum í könnun MMR,* þegar 80,5% aðspurðra landsmanna voru andvíg honum, þá væri réttara að tala hér um foringjaþægni þína, Jón Baldur, og eru það slæm umskipti frá skeleggri Icesave-andstöðu þinni.

* Vera má, að andstaðan hafi minnkað nokkuð meðal flokksmanna, en það er vegna ríkisrekinnar áróðursherferðar utanríkisráðherrans og keyptra álitsgjafa, sem og vegna þjenustusemi Þórdísar Reykfjörð og Áslaugar þeirrar Örnu, sem hvarvettna birtist nú, í Kastljósi sem í Vikulokum Rásar 1 í dag.

[Helga Kristjánsdóttir, 21.6.2019 kl. 23:04]

Þjóðin greiðir vettvang þeirra sem vinna að eyðileggingu lýðræðis okkar og þau skammast sín ekki!!!