Hver setti þá Ísland á hausinn?

Allir eiga rétt á að verja æru sína - líka Jón Ásgeir Jóhannesson. Hann fékk tækifæri til þess í opnugrein í Morgunblaðinu. Greinin er auðvitað allt of löng til að flestir nenni að lesa hana milli jóla og nýárs. Þetta er samt sem áður skyldulesning enda þjóðin komin á hausinn og meintur gerandinn skrifar varnarræðu.

Ég velti því fyrir mér eftir að hafa lesið greinina hvort Jón Ásgeir hafi nokkuð lært af öllu saman. Ég gat ekki greint neinn iðrunartón í greininni. Þemað var eins og hjá mörgum öðrum þessa dagana: Ekki benda á mig! Eftir að hafa lesið greinina er eðlilegt að þjóðin spyrji: Hver setti þá Ísland á hausinn?

Jón Ásgeir tekur dóma nærri sér