Forsetinn leyfir þjóðinni að lifa í voninni

Ólafur Ragnar Grímsson er eldri en tvævetur í pólitík. Hann stendur vissulega frammi fyrir erfiðu viðfangsefni.

Annars vegar hefur hann áskorun frá um 50 þúsund Íslendingum um að skrifa ekki undir ,,Versalasamningana". Þar með verður málið lagt sjálfkrafa í dóm þjóðarinnar í þjóðaratkvæðagreiðslu.

Hann sjálfur, forsetinn, hefur gefið fordæmið með fjölmiðlalögunum. Þá stóð valið á milli þess að verja fyrirtækja- og fjölmiðlasamsteypu Baugsfeðga annars vegar eða hins vegar að verja fjölmiðlafrelsið til að tryggja upplýsandi umræðu. Forsetinn valdi fyrri kostinn eins og frægt er orðið. Það þýddi að fjármagnseigendur fengu frítt spil með þekktum afleiðingum. Nú er ,,aðeins" í húfi hagsmunir allrar íslensku þjóðarinnar. Sama gjá er á milli þjóðar og stjórnvalda. Öll stjórnarandstaðan og tveir sjálfstæðissinnar í röðum stjórnarmeirihlutans standa gráir fyrir járnum gegn stjórnarmeirihlutanum  og einum þingmanni á heiðursmannalistalaunum.

Hins vegar hefur forsetinn líf vinstri stjórnarinnar í höndum sér. Stjórnar sem hann er Guðfaðir að. Stjórn sem Ólafur Ragnar og Jón Baldvín sáu í hyllingum á rauðu ljósi á árum áður.

Auðvitað er þetta auðvelt val hjá forseta vorum. En Ólafur Ragnar kann sig og vill að þjóðin fái að lifa í voninni yfir áramótin. Hann vill ekki skemma áramótafagnaðinn og eiga á hættu að flugeldum verði beint í rangar áttir. 

Árið 2010 þarf að hefja með ánauð. Trójuhestur Gordon Browns hefur verið dreginn inn fyrir virkismúrinn af okkar eigin stjórnvöldum eins og í Tróju forðum.

Forseti tekur sér frest

Athugasemdir

[Hrannar Baldursson, 31.12.2009 kl. 14:51]

Það er ljóst að Ólafur Ragnar að reistar verðar styttur af Ólafi Ragnari hafni hann þessum samningi, en minnst eins og Bush hleypi hann þessu í gegn.

Það er miður hins vegar að málið hafi farið í þennan farveg. 

Tvennt sem þarf að gera:

1) Leggja niður stjórnmál á Íslandi og taka upp þjóðstjórn tímabundið.

2) Endursemja um ICESAVE, þó það sé sjálfsagt orðið of seint í dag.